وادی العقیق مدینہ کی سب سے مشہور وادیوں میں سے ایک ہے، اور یہ نبی صلی اللہ علیہ وسلم کی سیرت کے واقعات کی گواہ ہے۔ وادی میں کچھ تاریخی یادگاریں شامل ہیں، جیسے سعد بن ابی وقاص اور عروہ بن الزبیر کے محلات، اور کچھ پتھروں پر تاریخی تحریریں کندہ ہیں۔ واک وے ان تمام نوادرات سے بھری اس اہم تاریخی وادی کا شاہد ہے۔

اس کا جغرافیائی محل وقوع:

وادی العقیق واک وے مسجد نبوی سے تقریباً (6) کلومیٹر کے فاصلے پر ہے، اور اسلامی یونیورسٹی اس کے قریب ترین مقامات میں سے ایک ہے۔

ایک بابرکت وادی میں واک وے:

وادی العقیق ان مبارک وادیوں میں سے ایک ہے جن کا ذکر رسول اللہ صلی اللہ علیہ وسلم کی سیرت معطرہ میں کیا گیا ہے، جہاں جبرائیل علیہ السلام اس وادی میں حج کے لیے جاتے ہوئے آپ کے پاس آئے، اور آپ سے کہا: اس مبارک وادی میں نماز پڑھو اور کہو: حج میں عمرہ ہے۔

مملکت سعودی عرب نے اس وادی کی دیکھ بھال کی ہے اور اس پر ایک واک وے بنایا ہے جس کی لمبائی 1600 میٹر، اوسط چوڑائی 14 میٹر اور رقبہ 16,500 مربع میٹر ہے۔

مکمل واک وے بڑے ویژن کے مطابق:

وادی العقیق واک وے مدینہ ریجن ڈویلپمنٹ اتھارٹی کی جانب سے لاگو کیے جانے والے اہم ترین منصوبوں میں سے ایک ہے۔اس نے وادی العقیق کی ماحولیاتی بحالی اور آس پاس کے علاقوں کی ترقی کے لیے ایک منصوبہ شروع کیا۔

وادی العقیق واک وے اس شہری منصوبے کا حصہ ہے، جس کا مقصد شہری ماحول اور قدرتی وسائل کے درمیان توازن پیدا کرنا اور مدینہ کے رہائشیوں اور سیاحوں کے لیے ایک آؤٹ لیٹ بنانا ہے۔ یہ جدید عناصر کو تاریخی جہت کے ساتھ جوڑتا ہے۔

مکمل خدمات اور ظاہری خوبصورتی کے درمیان واک وے:

مملکت سعودی عرب نے واک وے کو اس کے موزوں، تہذیبی شکل میں لانے پر توجہ دی، اور اس کے زائرین اور اس پر چلنے والوں کے آرام کی خاطر اسے ضروری اور جدید ترین ٹیکنالوجی کے ساتھ آراستہ کیا ،جیسے علاقے کی روشنی کو بڑھانے کے لیے روشنی کے کھمبے، اور نچلے لائٹنگ پوائنٹس جنہیں واک وے کے اجزاء کی خوبصورتی کو ظاہر کرنے کے لیے ہندسی طور پر تقسیم کیا گیا ،ساتھ ہی واک وے میں آرام کی جگہیں اور انتظار گاہیں بھی شامل کی گئی۔

واک وے کی زمین کو کھجور کے درخت ،جن کے لیے مدینہ مشہور ہے ،ان سے سجایا گیا ، ، اس کے علاوہ سایہ فراہم کرنے اور واک وے کی خوبصورتی کے لیے درختوں کو راستوں کے سنگ پھیلایا گیا ، جبکہ واک وے کے فرش پر بیسالٹ اور گرینائٹ پتھر لگایا گیا تاکہ اس پر چلتے وقت پھسلن سے بچا جا سکے .

زائرین کے لیے ہمیشہ دستیاب ہے:

واک وے پورے سال مدینہ کے لوگوں کے لیے ایک آؤٹ لیٹ اور پارک کی نمائندگی کرتا ہے، کیونکہ یہاں روزانہ کی بنیاد پر بہت سے افراد اور خاندان، پیدل چلنے کی مشق کرنے اور اس جگہ کے ٹھنڈے ماحول سے لطف اندوز ہونے کے لیے آتے ہیں۔