موجود
خارجی + داخلی
اس میں نماز ہوتی ہے
مدینہ منورہ کی ایک اہم ترین تاریخی مسجد جس میں اللہ تعالیٰ نے اپنے نبی صلی اللہ علیہ وسلم کی عزت و توقیر فرمائی اور ان کی خواہش اور امید پوری کی کہ قبلہ کو بیت المقدس سے کعبہ کی طرف منتقل کیا گیا اور رب تعالی کی وحی سے ان کی آنکھیں ٹھنڈی ہو گئی ۔ ارشاد ربانی ہےترجمہ : سو ہم آپکو اس قبلہ کی طرف متوجہ کرینگے جس سے آپ خوش ہو جائینگے۔
یہ مسجد مدینہ کے شمال مغرب میں عقیق کے قریب واقع ہے۔اسے مسجد بنی سلمہ کے نام سے جانا جاتا تھا کیونکہ یہ ان کے محلے میں واقع ہے ۔ بنو سلمہ انصار کی ایک شاخ ہے۔پھر اسے دو قبلوں کی مسجد کہا گیا۔ کیونکہ رسول اللہ صلی اللہ علیہ وسلم ان کے علاقہ میں تشریف لائے اور ان کے ساتھ نماز پڑھی تو ایسا ہوا کہ بیت المقدس سے کعبہ کی طرف قبلہ کی تحویل کا حکم آ گیا سو آپ نے اپنے ساتھیوں کے ساتھ امام کی حیثیت سے مسلمانوں کو دو رکعتیں بیت المقدس کی طرف پڑھائیں پھر باقی دو رکعتیں بیت اللہ کی طرف منہ کر کے پوری کیں ۔ یہ مسجد ان یادگاروں میں سے ایک بن گئی جو مسلمانوں کی تاریخ کے اہم ترین واقعات میں سے ایک کی گواہ ہے۔
یہ مسجد اینٹوں ، کھجور کے پتوں اور کھجور کے تنے سے بنائی گئی تھی۔عمر بن عبدالعزیز نے سنہ 87 ہجری میں اس کی تعمیر نو کی پھر کئی بار اس کی تجدید کی گئی جن میں سے آخری مرتبہ تجدید 950 ہجری میں ہوئی پھر اسے نظر انداز کر دیا گیا۔حتی کہ شاہ عبدالعزیز آل سعود نے اس کی تجدید کی۔
شاہ عبدالعزیز رحمہ الله کے دور میں اس کی عمارت کی تجدید کی گئی اور اس کے لیے ایک مینار اور دیوار بنائی گئی اور اس کا رقبہ 425 مربع میٹر تک پہنچ گیا پھر شاہ فہد بن عبدالعزیز رحمہ اللہ نے اس کے رقبے کی ازسرنو منصوبہ بندی کے ساتھ اسے گرانے دوبارہ تعمیر کرنے اور 3920 مربع میٹر کے رقبے تک پھیلانے کا حکم دیا۔پھر شاہ سلمان بن عبدالعزیز حفظہ الله کے دور میں مسجد کی ترقی کے سلسلہ میں نمازیوں اور زائرین کی گنجائش میں اضافے، زائرین کی آسانی اور ان کی حفاظت کو یقینی بنانے،ایک ثقافتی مرکز اورایک نمائشی عمارت اوردکانوں کے لیے ایک عمارت بنانےاورپودوں کی تعداد زیادہ کرنے اور مسجد کی تاریخ بتانے والا معلوماتی انٹرایکٹو پینل رکھنے کے لیے ایک بہت بڑا منصوبہ تیار کیا ہے۔
یہ مسجد اپنے چمکدار سفید رنگ اور اسلامی انجینئرنگ ڈیزائن کی وجہ سے ممتاز ہے۔اس کے دو گنبد اور دو مینار ہیں۔نماز کے ہال میں محرابوں کا ایک سلسلہ شامل ہے اور اس میں 2,000 نمازی بیٹھ سکتے ہیں۔اس میں ایک بالکونی ہے جس میں 400 مربع میٹر کا رقبہ خواتین کے لیے مختص ہے۔ اس کے آرائشی تانبے کے فانوس آثار قدیمہ کی خوبصورتی کا مظہرہیں۔فرش کو ایک منفرد انداز میں انتہائی پرتعیش قومی قالینوں سے آراستہ کیا گیا ہے۔مسجدکے صحن کو کھجور کے درخت لگاکر آراستہ کیا گیا ہے۔
اسلام میں پہلی مسجد جو کہ ہمارے نبی صلی اللہ علیہ وسلم نے تعمیر کی، اس کا سنگ بنیاد آپ کے دو محترم ہاتھوں سے رکھا گیا اور اس کی عمارت مہاجرین اور انصار نے اٹھائی۔ اور اللہ تعالیٰ نے قیامت تک پڑھے جانے والے قرآن میں اپنے فضل کو واضح کیا: "وہ مسجد جو روز اول سے تقویٰ پر قائم ہوئی، وہ تمہارے لیے اس میں کھڑے ہونے کے زیادہ لائق ہے۔"[سورہ توبہ : 108]
یہ تاریخ مدینہ کی نمایاں ترین نشانیوں میں سے ایک ہے بیت العتیق (بیت اللہ)کو دیکھنےکا قصد کرنے والے مدینہ کے لوگ اوردیگر وہاں سے گزرنے والے یہاں آتے ہیں۔ دنیا کی ظاہری زیب و زینت سے دور احرام میں ایمان سے بھرپور اس سفر پر نکلتے جب کہ وہ محض خدا اور آخرت کے گھر کی امید رکھتے ہیں۔
