بند
ان کنووں میں سے جن کا سیرت نبی سے تعلق ہے، آپ صلی اللہ علیہ وسلم اس کے پاس سے گزرے، اس کے پانی سے وضو فرمایا اور اس کا نام عسیرہ سے یسیرة کرکے تاریخ کے صفحات میں اسے زندہ جاوید کردیا۔
بئر یسیرة مدینہ کے ان کنووں میں سے ہے جس کا سیرت اور بعض صحابہ سے گہرا ربط ہے۔ رسول اللہ صلی اللہ علیہ وسلم اس کنویں پر تشریف لائے اور اس کے پانی سے وضو فرمایا۔
اس کنویں کے دو نام ہیں
• بئر العین
• بئر یسیرة: یہ وہ نام ہے جو رسول اللہ صلی اللہ علیہ وسلم نے اس کی زیارت کے موقع پر اس کو دیا۔ اس کا پرانہ نام عسیرة تھا۔
اس کنویں کو رسول اللہ صلی اللہ علیہ وسلم کی زیارت کرنے کا، اور وضو کرانے کا شرف حاصل ہے۔ ایک دفعہ آپ صلی اللہ علیہ وسلم اس کے پاس سے گزرے اور اس کے بارے میں پوچھا، آپ کو بتلایا گیا کہ اس کا نام عسیرہ ہے۔ پس آپ صلی اللہ علیہ وسلم نے برے نام تبدیل کرنے کی اپنی عادت کے مطابق اس کا نام عسیرہ سے بدل کر یسیرہ کردیا۔
اس کے علاوہ ابوسلمہ مخزومی رضی اللہ عنہ کو غسل اس کنویں کے پانی سے دیا گیا۔ ابوسلمہ رسول اللہ صلی اللہ علیہ وسلم کے رضاعی بھائی اور پھوپی کے بیٹے تھے۔ آپ غزوہ بدر اور غزوہ احد میں شریک ہوے، غزوہ احد میں ہی زخم بگڑنے سے آپ کی شہادت ہوی۔ تب آپ کو اس کنویں کے پانی سے غسل دیا گیا۔
مکہ و مدینہ کے تاریخی آثار کی حفاظت کے شاہی حکم نامہ کے بعد متعلقہ اداروں نے اس کنویں کی حفاظت و نگہداشت کا خاص اہتمام کیا۔ یہ کنواں اب اسلامی تاریخی مقامات کی حفاظت و نگہداشت کے منصوبے میں شامل ہے۔
بئر العین مسجد نبوی کے جنوب میں تقریبا 3 کیلومیٹر اور مسجد قبا کے مشرق میں ایک کیلومیٹر دور واقع ہے۔
مسجد نبوی کی طرف جانے والی سڑک طریق عبدالمحسن بن عبدالعزیز سے اس کنویں تک پہنچا جاسکتا ہے۔
ایک نبوی کنواں جس سے رسول اللہ صلی اللہ علیہ وسلم نے وضوء کیا اورپانی پیا، اور روایت ہے کہ رسول اللہ صلی اللہ علیہ وسلم نے اسکے پانی سے وفات کے بعد غسل کرنے کی وصیت فرمائی تھی ۔ یہ کنواں آج بھی رسول اللہ صلی اللہ علیہ وسلم کی سیرت معطرہ کے حالات کی گواہی دیتا ہے۔ اس کی زیارت کرنے والےکو سیرابی، انسیت، سبق اور نصیحت ملتی ہے۔ سو وہ اس کا پاک پانی پیتا ہے، اور پہلے دور کے مسلمانوں کی تاریخ کو یاد کرتا ہے۔
یہ وہ کنواں ہے جہاں رسول اللہ مکہ سے مدینہ ہجرت کرتے ہوے سب سے پہلے رکے تھے۔ یہ کنواں مسجد قبا کے قریب واقع ہے۔
